SRI SESHAASHTAGAM

                தொடராகிய வாழ்வு பெருந்துயரம்  

                                  துணையாகநீ வந்தால் அதுமறையும் .

                இடரேகளைய இதுவே தருணம் 

                                   இனி ,சேஷகுரு திருவடி சரணம் !

                அறியேன்எதுவும் அகிலம் தனிலே 

                                அவமாய்ப் பிறவி அழிதல் அழகோ ?

                சிறியேன் புரியும் செயல்கள் பிழையே 

                                 திருசேஷகுரு மலரடி சரணம் !

               அதுவும், இதுவும், எதுவும் வருமோ ,

                                அறுந்தால் உடம்போ டுயிரின் தொடர்பே ?

               மதியாய், விதியாய்க்  கதியாய் எனக்கே 

                                 வருசேஷகுரு திருவடி சரணம் !

              மனமே தினமே மரமேல் குரங்காய் 

                                மதமே மிகவே கிளைகள் குதிக்கும் 

              இனிமேல் இதைநீ பொறுத்தல் தகுமோ ?

                               எழில்சேஷகுரு திருவடி சரணம் !

            நிழலும் தருமே மரமே , அதைப்போல் 

                            நெடிதேவளர்என் உடல்தான் தருமோ ?

            உழலும் உயிர்கட் குதவப் பணிப்பாய் 

                             ஒளிர்சேஷகுரு திருவடி சரணம் !

           அறிவும், திருவும், அழகும் இணைந்தே 

                           அமைந்தே விடினும் வருமோ அமைதி ?

           பொறிகள் அடங்கும் வழிதான் புகல்வாய் 

                           புகழ்சேஷகுரு திருவடி சரணம் !

          பதறிக் கதறிப் பலநாள் கழியப் 

                           பயணம் முடிந்தால் பயன்தான் உளதோ ?

          உதவிபுரிய உடனே வருவாய் !

                           உறுசேஷகுரு திருவடி சரணம் !

        அருணை ஒளியே , கருணை வடிவே 

                           அகத்தின் இருளை அடியோ டழிப்பாய் !

        ஒருமை உணர்ந்தேன் , உண்மை அறிந்தேன் 

                            உயர்சேஷகுரு திருவடி சரணம் !!!