(இசை விழா -2013 தொடங்கி விட்டது .இதோ எனது பங்களிப்பாக ஓர்
இசைத்தமிழ்ப் பாடல் ..)
ராகம் : காபி தாளம் : ஆதி
செந்தமிழ் வேல்முருகா --உலாவிடும்
தோகை மயிலழகா
வந்திடும் அடியவர் வல்வினை களைவாய்
வரங்களைப் பொழிந்திடுவாய் (செந்தமிழ் )
கார்த்திகைப் பெண்களவர் --மடியில்
களிப்புடன் தவழ்ந்தவனே
ஈர்த்திடும் இன்பத் தாலாட்டுப் பாட
என்ன தவம் செய்தனரோ --அவர்
என்ன தவம் செய்தனரோ (செந்தமிழ் )
வம்புக்கு வள்ளியை அழைத்தவனே --உடல்
வாடிய கிழம் போல் பழுத்தவனே
நம்பிக்கை கொண்டே நாள்தோறும் வேண்டி
நாடுபவர்க் கருள் செய்பவனே --உனை
நாடுபவரக் கருள் செய்பவனே (செந்தமிழ் )
0 comments:
Post a Comment