எந்தையே வா

                                                      எந்தையே  வா 

இன்று  (16/6/2013) தந்தையர் தினமாம் . என் பன்னிரண்டாவது வயதில் என்னைப் பிரிந்து சென்ற என் தந்தையின் நினைவு நெஞ்சத்தில் நிழலாடியது .உடனே தோன்றிய பாடலை மறைந்த என் அன்புத் தந்தைக்குக் காணிக்கையாக்குகிறேன் . 

ஐந்துடன் ஏழும் ஆன

                  

                   அகவையில் பிரிந்து சென்றாய் .

பைந்தளிர் போன்ற என்னைப் 

                  பாரினில் தனியாய் விட்டாய் 

எந்தையே ஈடு செய்ய 

                   இயம்புவேன் வழியை , என்றன் 

மைந்தனின் மைந்த னாக

                  வந்துநீ  பிறக்க  வேண்டும் !