காலத்தை வெல்லும் --கொலு பற்றிய சிறுவர் பாடல் --By R.Natarajan

        

                                        காலத்தை வெல்லும்                                                    

                               (கொலு  பற்றிய சிறுவர் பாடல் )

சிங்கம்புலி  நரியெல்லாம் 

               சின்னமுயல்  பக்கம் --மேலே 

               சீற்றமுடன் பாயாமல் 

               ஒன்றுபட்டு நிற்கும் 

தொங்கும்உறி  வெண்ணயினைத் 

                தோழன்மீது  நின்று --கண்ணன் 

                துடிப்புடனே  கவர்கின்ற 

                காட்சிமிக நன்று 

பொங்குமருள்  தெய்வமெல்லாம் 

              பொம்மையாக இருந்து --கொலுவில் 

              பொலிவுடனே தோன்றுவது 

               புண்ணியத்தின் விருந்து 

தங்குபுகழ் பாரதத்தின் 

              சரித்திரத்தைச்  சொல்லும் --நம் 

              சால்புடைய பண்டிகைகள் 

              காலத்தை வெல்லும் !!!